🌾🌾🌾🌾🌺🌺🌾🌾🌾
साहित्यमंथन आयोजित "काव्यमंथन " -भाग -36
सुधाकरी काव्यरचना (अभंग )
विषय :- 🙏 भक्ती 🙏
परीक्षक :- प्रा .सौ .संगीताताई भालसिंग
संकलन :-श्री .गजानन पवार
ग्राफिक्स :- क्रांती बुद्धेवार
उत्कर्ष देवणीकर
🌾🌾🌾🌾🌾🌾🌺🌺🌾🌾🌾🌾
♧♧♧♧♧♧♧♧♧♧♧♧♧♧
भक्तीचा मळा फुलला !
माझ्या अंगणी भक्तीचा मळा फुलला !
तुका म्हणे, चराचरांत विठ्ठल सापडला ,
माणसांत ,पशुपक्ष्यांत, झाडाझुडपांत,विठ्ठल दिसला,विठ्ठल सापडला!
रामदास म्हणे,आधी प्रपंच करावा नेटका ,मग तुम्हां सापडेल देव एकटा !
नाठाळाच्या माथी हाणावी काठी,
तर भुकेल्यास द्यावी पोळी !
ज्ञानोबा म्हणे , मी मागतो पसायदान ,
सर्व विश्वची माझे घर , सर्वांसी लाभो,जो जे मागिल ,
अन् मग मिळेल शांती मानवास !
अश्या तीन योगाने,मिळते शांती ,
कर्मयोग,भक्तियोग आणि ज्ञानयोग ,
जो मार्ग ज्यास जमेल तो त्यांनी स्विकारावा ,
अन् प्रुथ्वीवर गवसेल स्वर्ग ,प्रत्येकाला !
सौ. निलाक्षी विद्वांस .६८
विठ्ठल
♧♧♧♧♧♧♧♧♧♧♧♧♧♧
स्पर्धेसाठी
*माय* *माऊली*
तूच माझा देव
तूच *भक्ती* माय
मोठी शक्ती काय
तुझहूनी
शोधू मी कशाला
देव मंदिरात
माय तू घरात
देवरुप
भरवला घास
मज तो प्रसाद
चाखी जीभ स्वाद
अमृताचा
तुझा हात डोई
माझी साऊली तू
विठू माऊली तू
मजसाठी
नको मोक्ष माय
घे पुन्हा ऊदरी
तुझा वारकरी
सदैव मी
- *आत्तम* *गेंदे* (परभणी)
९९२१०५८४१४
♧♧♧♧♧♧♧♧♧♧♧♧♧
चारोळी स्पर्धा
🌹 भक्ती 🌹
या जगतामध्ये
काही न शाश्वत
म्हणून हो नत
प्रभूपायी ॥
चतुर्गतीमध्ये
जन्म नि मरण
कर्माने भ्रमण
होत असे ॥
म्यान तलवार
तसा देह भिन्न
कर्मच कारण
बंधास या ॥
तारीतसे भक्ता
भगवंत भक्ती
हीच सोपी युक्ती
जीवनात ॥
म्हणून हे जीवा
अपुले जीवन
धर्मकामी आण
हेचि सुख ॥
त्याकरता हवी
देवावर भक्ती
तयानेच मुक्ती
मिळतसे ॥
डॉ.शरयू शहा.
👏🏼👏🏼👏🏼👏🏼👏🏼👏🏼👏🏼
♧♧♧♧♧♧♧♧♧♧♧♧♧♧♧
🎯 काव्यमंथन 🎯
भाग -36
विषय - 🙏 भक्ती 🙏
( स्पर्धेसाठी नाही )
गुरू माझा ज्ञानी
भक्ती भाव मनी
ठेवितो चरणी
मस्तक हे ॥1॥
मज नाही दुजे
दैवत हो देखा
माय बाप सखा
गुरू एक ॥ 2॥
मार्गशिर्ष मासी
शुद्ध एकादशी
पावन दिवशी
दिला मंत्र ॥ 3॥
यशवंत मंत्री
जरी अधिकारी
परमार्थी भारी
गोडी असे ॥4॥
औदुंबर क्षेत्र
दत्ताचे ते धाम
गुरूंचे ते नाम
मुखी सदा ॥5॥
जिल्हाधिकारी हे
पद भूषविले
सदा आचरीले
साधे फार ॥6॥
रूग्ण हाच देव
करा त्यांची सेवा
कर्मावर ठेवा
विश्वास हो ॥7॥
सदा सत्य बोला
बोला तैसे चाला
ओळखा देवाला
माणसात ॥8 ॥
साधीच राहाणी
विचार सरणी
कथनी करनी
एकच हो ॥9 ॥
गुरू यशवंत
माझे हो सासरे
माय बाप खरे
भाग्य माझे ॥10॥
अर्पितो दयाळा
काव्य एकादशी
गुरू चरणाशी
सुधाकरी ॥1॥
@ अरविंद कुलकर्णी
♧♧♧♧♧♧♧♧♧♧♧♧♧♧
जोड सुधाकरी
स्पर्धेसाठी
देवा तुझ्यावर
भक्ति रे अपार
नेई भवपार
मजसि तू
पूजन अर्चन
मंत्रपाठ ध्यान
जप अनुष्ठान
सर्वकाही
दानधर्म सारे
नाही उणे काही
येई लवलाही
दे दर्शन
अथांग मन हे
मुळी ना आकळे
दाबता त्या बळे
उसळे ते
संकल्प विकल्प
स्वभाव मनाचे
ध्यान हेच त्याचे
औषध हो
सुनीता सुरेश महाबळ
♧♧♧♧♧♧♧♧♧♧♧♧♧
सुधारित
👇
काव्य स्पर्धा अभंग सुधाकरी
🌹🍀(भक्ती)🍀🌹
नाथाचिया द्वारी
स्वागत भक्तांचे
तेथे इतरांचे
काम काय,? //१//
साधकांना येथे
सापडेल मार्ग
अवघड दुर्ग
चढावया .//२//
गोरक्षनाथाने
सिध्द केले मंञ
सोपे केले तंत्र
उपासका .//३//
नाथ पंथा मध्ये
गुरू असे सिध्द
साधका प्रबुध्द
करावया //४//
जोडीने ते नाथ
हालविती जग
कोणताही मग
प्रश्न असो //५//
भक्ती आणि शक्ती
बांधोनिया मेळ
करीती सकळ
कल्याणही //६//
सर्वा साठी योग्य
असे नाथ पंथ
जशी नदी संथ
जनांसाठी //७//
@७७ सुनिल बेंडे
♧♧♧♧♧♧♧♧♧♧♧♧♧
सुधाकरी स्पर्धा
भक्ती
श्रध्दा भाव भक्ती
असावा मनात
सारे अशाश्वत
जगती या
सत्य हेची जाण
एक तो ईश्वर
बाकी सारे नश्वर
जगती या
माता पिता गुरु
दैवते ही तीन
ठेवा त्यांचा मान
जगती या
मातृपितृ देवो
घराचे संस्कार
करावा तयांना
नमस्कार
घरात असावे
गुरु अधिष्ठान
तयांना वंदन
सदा असो
अतिथींचा मान
नित्य तो करावा
कधी न करावा
अपमान
परमेश्वराला
नित्य आठवावे
दृढ भक्तीभावे
नामजप
प्राची देशपांडे
♧♧♧♧♧♧♧♧♧♧♧♧♧
दाखवूनी लोका
होत नसे भक्ती
त्यास नसे सक्ती
देवळाची
मानतो मी देव
तोची एक आहे
नाही जात पाहे
आणी धर्म
सारे असे एक
नाही जाती भेद
घाली जोही साद
जाणा भक्ती
होतात बलाढ्या
पैसा कमवूनी
भक्ती तोलवूनी
पैशामध्ये
कशाला हवेत
संस्था अन् शाळा
नावाने देवळा
भक्ती नव्हे
आहे जर भक्ती
शीकवा गरीबा
कशासाठी बाबा
डोनेशन
अन्नदान करा
गरजवंतास
घासातला घास
देवूनीया
हीच खरी भक्ती
जाणावी सर्वानी
देव आहे मनी
भुकेल्यांच्या
@ उत्कर्ष देवणीकर
♧♧♧♧♧♧♧♧♧♧♧♧
काव्यस्पधा
जोड सुधाकरी
विषय :भक्ती
ऊभा विटेवरी
विठू सख्याहरी
अमृत वल्हरी
वारकरी //
भक्तीचा ग मळा
आळवीती गळा
आनंदी सावळा
पायी वाळा//
करावे कीतॅन
आनंदी राहून
साथॅकी जीवन
भक्तजन//
आषाढी कातिॅकी
भक्त एकवटी
दिंडीचा ग थाट
वाळवंटी//
फेकूनिया वीट
चंद्रभागे तटी
पुंडलिका भेटी
मायेपोटी//
रोज भेटतोस
प्रेमाने भक्तास
कटेवरी हस्त
ठेवतोस//
देई आशिॅवाॅद
होई भक्ता मोद
नसे मनी भेद
दे आनंद//
सुलभा कुलकणी30
♧♧♧♧♧♧♧♧♧♧♧♧
सुधाकरी स्पर्धा
भक्ती
श्रध्दा भाव भक्ती
असावी मनात
सारे अशाश्वत
जगती या
सत्य हेची जाण
एक तो ईश्वर
बाकी सारे नश्वर
जगती या
माता पिता गुरु
दैवते ही तीन
ठेवा त्यांचा मान
जगती या
मातृपितृ देवो
घराचे संस्कार
करा नमस्कार
दोघांनाही
घरात असावे
गुरु अधिष्ठान
तयांना वंदन
सदा असो
अतिथींचा मान
नित्य तो करावा
कधी न करावा
अपमान
परमेश्वराला
नित्य आठवावे
दृढ भक्तीभावे
नामजप
प्राची देशपांडे
♧♧♧♧♧♧♧♧♧♧♧♧♧
जोड सुधाकरी
भक्तीचा सुगंध
चहुकडे जाई
सावळी विठाई
पंढरीत
चंद्रभागातीरी
विठाई माऊली
भक्तांची सावली
पांडुरंग
पुंडलीकासाठी
परब्रह्म आले
उभेची राहिले
पांडुरंग
वैजयंती माळा
रुळतात गळा
विठ्ठल सावळा
वैष्णवांचा
प्राची देशपांडे
♧♧♧♧♧♧♧♧♧♧♧♧♧
जोड सुधाकरी
भक्तीचा सुगंध
चहुकडे जाई
सावळी विठाई
पंढरीत
चंद्रभागातीरी
विठाई माऊली
भक्तांची सावली
पांडुरंग
पुंडलीकासाठी
परब्रह्म आले
उभेची राहिले
पांडुरंग
वैजयंती माळा
रुळतात गळा
विठ्ठल सावळा
वैष्णवांचा
विठ्ठल विठ्ठल
नामजप चाले
चालती पाऊले
वारकरी
जाता पंढरीस
दर्शन करावे
डोळा साठवावे
विठूराय
प्राची देशपांडे
♧♧♧♧♧♧♧♧♧♧♧♧
सुधाकरी स्पर्धा
भक्ती
श्रध्दा भाव भक्ती
असावी मनात
सारे अशाश्वत
जगती या
सत्य हेची जाण
एक तो ईश्वर
जग हे नश्वर
जाण जीवा
माता पिता गुरु
दैवते ही तीन
ठेवा त्यांचा मान
जगती या
मातृपितृ देवो
घराचे संस्कार
करा नमस्कार
दोघांनाही
घरात असावे
गुरु अधिष्ठान
तयांना वंदन
सदा असो
अतिथींचा मान
नित्य तो करावा
कधी न करावा
अपमान
परमेश्वराला
नित्य आठवावे
दृढ भक्तीभावे
नामजप
प्राची देशपांडे
♧♧♧♧♧♧♧♧♧♧♧♧♧
स्पर्धेसाठी
जोड सुधाकरी
विषय: भक्ति
जगी नाही नाते
सारखे आईच्या
कल्याणा बाळाच्या
झटतसे...१...
आई खरे नाते
बाकी सारी नाती
स्वार्थाच्यापुरती
जाणा तुम्ही ...२..,
आई असे पहा
आकाशाचे तत्व
ईशाचे ईशत्व
तिच्याठायी....३...
आईबालकाचे
नाते वात्सल्याचे
नाव हो स्वार्थाचे
त्यात नाही ....४..
अशा या मातेला
गुरुच मानूया
वंदन करुया
भक्तिभावे ......५...
सुनीता सुरेश महाबळ
सदर जोडसुधाकरी स्पर्धेसाठी
ग्राह्य धरावी, ही विनंती
♧♧♧♧♧♧♧♧♧♧♧♧♧
: ¤¤सुधाकरी¤¤
भक्तिने फुलावा
जीवनात मळा
झिजवावा गळा
नामामध्ये॥१॥
भक्तीने देवाचे
चिंतन करावे
व्यर्थ न वदावे
नारायण॥२॥
भक्तिचा हा मार्ग
सुलभ सुखर
पर्वता प्रखर
पाप जाळी॥३॥
भक्तीचा आनंद
वाढवेल सुख
दुर जाई दुःख
क्षणमात्रे॥४॥
भक्तीचे सागरी
उणे नसे काही
श्रीहरी तो पाही
कृपादृष्टी॥५॥
भक्तीचे ते वर्म
कळो येई जेव्हा
गोड लागे तेव्हा
नाममुखा॥६॥
भक्तीचे सुंदर
करावे वर्णन
शब्दी शब्द लिन
दिसू लागे॥७॥
भक्तिचा भुकेला
सखा पांडुरंग
गायन अभंग
अंतरंगी॥८॥
भक्ती मार्ग सोपा
नाम घेता मुखी
पायापासी राखी
अर्जुनाला॥९॥
भक्तीमय जीव
भगवंत पाही
वावगे न काही
तिळमात्र॥१०॥
भक्ती भाव शुद्ध
करतो विनंती
गुरूचे सांगाती
लाभ झाला॥११॥
भक्तीने आकळे
रख्खुमाई पति
शुद्ध भावे चिति
स्मरणात॥१२॥
भक्ती भगवंत
भाग्ये वीना नाही
डोळा लव लाही
पहा सुख॥१३॥
भक्तीचे प्रकार
मनोमनी पडे
भोळीच आवडे
देवाजीला॥१४॥
भक्ती मुक्ती दोन
देवाजीचे अंग
नको व्यर्थ संग
घडो मज॥१५॥
भक्ती लोटांगण
पुजा मनोभावे
प्रेमाने वदावे
जीवलगा॥१६॥
भक्तीचा डांगोरा
पिटताती जण
कोरडे पाषाण
देवापाशी॥१७॥
भक्तीने पुजावा
माझा श्री विठोबा
नका मारू बोंबा
मुर्खापरी॥१८॥
भक्तीचा सागर
ज्ञानाचे भांडार
उघडते द्वार
देवाघरी॥१९॥
भक्ती मध्ये राजा
मनोबा प्रधान
नामाने बांधून
ठेवा तया॥२०॥
भक्तीने इंद्रिय
एक रुप होई
राग दोष जाई
दुर देशी॥२१॥
भक्तीची आवड
लागताची गोडी
नाम नाम होडी
पैलतीरी॥२२॥
भक्ती करताना
संसाराचा गाडा
राजे राजवाडा
भगवंती॥२३॥
भक्तीचा विचार
पांडवांनी केला
कौरवांचा झाला
नायनाट॥२४॥
भक्तीने गुरूशी
जाईन शरण
करती हरण
पापमुक्त॥२५॥
✍🏻__ गजानन पवार @81
🌺🌺🌺🌺🌺🌺🌺
♧♧♧♧♧♧♧♧♧♧♧♧♧
स्पर्धेसाठी
देव माझा कसा
भक्तिस भुलला
आनंदात रंगला
विठुराया
विसरला देव
कालचक्र गती
स्थिरावली मती
भक्तिमधे
दिंड्या पताकांचा
चालला सोहळा
मनाचा मोहळा
अर्पियेला
चित्त तुझ्या पाई
विसरलो धरा
चैतन्याचा वारा
नामघोषी
पंचप्राण माझे
व्याकुळ ते झाले
डोळे ओथंबले
भक्तिरसे.
.
.
शब्द भ्रमर
♧♧♧♧♧♧♧♧♧♧♧♧♧♧
+91 99216 19277:
आनंदात रंगला
ऐवजी
आनंदे रंगला
असे वाचावे
😂😂😂
♧♧♧♧♧♧♧♧♧♧♧♧♧
+91 82759 48708:
🌺 संसार 🌺
सुखी संसाराचे
चित्र रेखिते
झोळीमध्ये पदराच्या
बाळा निजविते
🌿🌿🌿🌿🌿🌿
♧♧♧♧♧♧♧♧♧♧♧♧♧♧♧
बळीराजा तुझे
दैवत विठ्ठल
प्राक्तना बद्दल
चिंता नसे
वारकरी भक्ती
पंढरीच धाम
मुखी हरीनाम
सदोदीत
माथी तुळसाई
चाल अनवाणी
मुखी गोड गाणी
अभंगाची
आषाढी कार्तिकी
देवाची वाटुली
गर्दीत दाटली
अहोरात्र
चरणी माथा
टेकवूनी तृप्त
संकटेच लुप्त
क्षणार्धात..............जयश्री पाटील.
♧♧♧♧♧♧♧♧♧♧♧♧♧♧
पंढरपुरी ग
जाते मी माहेरी
चन्द्रभागा तीरी
भेटीगाठी।
विठ्ठलाची मूर्ति
साठवीण डोळा
अजोड़ सोहळा
आषाढीचा।
भक्तगण येती
वाळवंटी फार
भक्ति गहीवर
आवरे ना।
संसारी दुःखा ने
गेले बा मोडून
हात मी जोडून
विनविते।
प्रा सौ शांता ठुबे
(अभंग ---स्पर्धेतील सहभागा साठी)
♧♧♧♧♧♧♧♧♧♧♧♧♧♧
साहीत्य मंथन
खासा घडविला
आदर्श काकाला
दंडवत
एकजूट आणि
तडजोड दिसे
सदस्यच भासे
कुटूंबाचे
नाताळाचे दिनी
भरतसे मेळा
जणू गोतावळा
जिवलग
साहित्याचे लोणी
नवरंग दारी
घेवून भरारी
रेडिओची
सुविचारी भक्ती
कर्तव्य पालन
पुण्याचे दालन
शोभतसे.....आपल्यासाठी🍁
♧♧♧♧♧♧♧♧♧♧♧♧♧
🙏 भक्ती 🙏
साहित्यमंथन
आळंदी पंढरी
आम्ही वारकरी
साहित्याचे ॥ 1॥
हीच खरी भक्ती
जपतो अंतरी
साहित्याचे रंगी
रंगलो हो ॥2॥
साहित्यमंथनी
ठेवा प्रेम भाव
एकमेका जीव
प्रेम ठेवा ॥3॥
प्रेम भाव भक्ती
एकीचे हे बळ
कौतूक सकळ
पाहतील ॥4॥
@ अरविंद कुलकर्णी
( स्पर्धेसाठी नाही )
♧♧♧♧♧♧♧♧♧♧♧♧♧
🔸सुधाकरी🔸
भक्तीचा महिमा
काय त्याचा थाट
पंढरीची वाट
पांडूरंगा ॥1॥
सारे संत जन
जमूनी एकत्र
जागर सर्वत्र
भक्तीरसा ॥2॥
देवाचिये दारी
नाही भेदा भेद
कसलाही खेद
सकलांचा ॥3॥
हरी नाम गोडी
वाटते अविट
व्हावी तुझी भेट
जगदीशा ॥4॥
संत समागम
मिळूनी करावे
जगा उध्दारावे
उपदेशा॥5॥
सौ. अनुजा देशमुख @65
♧♧♧♧♧♧♧♧♧♧♧♧♧
वाळवंटी उभा
सावळा विठ्ठल
वाट पाहतसे
रखुमाई.
तुळशिच्या माळा
गळा घालुनिया
कर कमरेला
तो ठेवोनी.
राजा पंढरीचा
उभा राहोनिया
लाडक्या भक्तांची
वाट पाही.
भीमा इंद्रायणी
भावनांची नदी
आली मिळोनिया
संगमाशी.
आसावली सारी
सारी विसावली
वाटे मिळाली ही
विठुमाई.
डोळे भरुनिया
पाहे भिमेवरी
दर्शनाची आता
झाली घाई.
ध्वज गगनाशी
डौलाने डोलती
टाळ हातामधे
निनादती.
डॉ.सुधीर अनंत काटे.निगडी,पुणे
१३/५/२०१६
♧♧♧♧♧♧♧♧♧♧♧♧♧
अभंग स्पर्धा
@ सुधाकरी @
देवाच्या दारात
भक्तीचा सुगंध
गातो मी अभंग
विठ्ठलाचे ।। 1।।
चंद्रभागे तीरी
भक्तांची पंढरी
जगाशी उध्दरी
पांडुरंग ।। 2।।
भक्तीचा महिमा
वर्णू आता किती
टाळ वीणा हाती
घेऊनीया ।। 3।।
दर्शनाची ओढ
मनाला लागली
चंद्रभागा आली
पायापाशी ।।4।।
कृपा पांडुरंगे
उध्दरी जीवन
सांगतो रतन
पदोपदी ।।5।।
रत्नाकर जोशी@007
जिंतूर
♧♧♧♧♧♧♧♧♧♧♧♧♧
सुधाकरी
भक्तीचा हा मळा
फुले वाळवंटी
होत असे दाटी
भाविकांची
भक्तीरसाचा हा
पूर दाटतसे
मन हे विसावे
तीरावरी
चंद्रभागा वाहे
घेऊनी भक्तीची
घागर श्रध्देची
खांद्यावरी
अंतरंगी विठू
मनी लागे साठू
देह लागे वाटू
दुरावला
लाचावले मन
विठ्ठल दर्शनी
विरह हा झणी
संपवावा
देखिले वदन
मी विठूरायाचे
ऋण जीवनाचे
फिटतसे
फिटले हे पांग
विठ्ठल दर्शनी
आनंद जीवनी
मावेनासे
भक्ती असे सार
मानव जीवनी
मुक्ती पापातूनी
करुनिया
-संगीता देशमुख,वसमत @59
♧♧♧♧♧♧♧♧♧♧♧♧
विषय भक्ती
जोड सुधाकरी
महालक्ष्मे नम:
भक्ती हीच शक्ती
करा फक्त भक्ती
देव तोच ।।
जो शिकवी काही
आई आद्य गुरू
माना सर्व गुरू
देव तोच ।।
करा ज्याची भक्ती
सर्वस्व अर्पुनी
सर्व विसरुनी
देव तोच ।।
सेवा असे भक्ती
गरीब हि असो
वा गरजू असो
देव तेथे ।।
मनातुन करा
कर्म पूजा जाणा
भक्ती तीच माना
दैव तेच ।।
शिकवली मज
सुधाकरी आज
लेविला हा साज
सुपर्वाचा।।
SP@24
स्पर्धेसाठी
♧♧♧♧♧♧♧♧♧♧♧♧♧
🌺साहित्य मंथन 🌺
सुधाकरी
🌹🌹🌹🌹🌹
साहित्य मंथन
जीवन घडले
भाग्य उजळले
नवरंगी॥१॥
साहित्य मंथन
नित्याचाच ध्यास
साहित्यिक खास
जीवलग॥२॥
साहित्य मंथन
सोडतो शिदोरी
शब्दाचे पदरी
धरोहर॥३॥
साहित्य मंथन
आमचे माहेर
ते पंढरपूर
आम्हा लागी॥४॥
साहित्य मंथन
शिदोरी अवीट
दिवस पहाट
शब्दरत्न॥५॥
साहित्य मंथन
दुजाभाव नाही
एकमेका पाही
समरूप॥६॥
साहित्य मंथन
एक इतिहास
पडला प्रकाश
जगामाजी॥७॥
साहित्य मंथन
नावा मध्ये गोडी
सर्वांना आवडी
म्हणोनिया॥८॥
साहित्य मंथन
एक अवलिया
गुरुमाऊली या
अरविंद॥९॥
साहित्य मंथन
प्रेमाचा आरसा
जैसा घ्यावा तैसा
मनावरी॥१०॥
साहित्य मंथन
अलौकिक नाव
नगर ते गाव
सखे वाटे॥११॥
साहित्य मंथन
जपे माणवता
शेतकऱ्या त्राता
दुष्काळात॥१२॥
साहित्य मंथन
स्नेह वाढेल
अनाथा पुजेल
प्रेमभाव॥१३॥
साहित्य मंथन
एक परिवार
दुसरा विचार
नाही येथे॥१४॥
साहित्य मंथन
गोडवा मायेचा
ओलावा दुधाचा
बालकासी॥१५॥
साहित्य मंथन
विशाल सागर
शब्द नौका पार
यत्नपुर्ण॥१६॥
साहित्य मंथन
नवोदित काया
शब्दांमधे माया
दृष्टीपडे॥१७॥
साहित्य मंथन
रेडियो गाजले
रंग ते भरले
एफ एम॥१८॥
साहित्य मंथन
आगळीक वाटे
प्रेमभाव दाटे
नयनात॥१९॥
साहित्य मंथनी
थोर महा थोर
दिग्गज अपार
भेटी लागे॥२०॥
साहित्य मंथन
आम्हास आसरा
देवजी कैवारा
जीवापाड॥२१॥
✍गजानन पवार @81
(स्पर्धेसाठी नाही )
☯☯☯☯☯☯☯
♧♧♧♧♧♧♧♧♧♧♧♧♧♧
सुधाकरी अभंग ६,६,६,४शब्द
भक्तित दंगले
नामात रंगले
डोळे पाणावले
नकळत!
काया आसुसली,
एकरूप झाली,
मूर्त मी पाहिली,
दिव्यतेची!
♧♧♧♧♧♧♧♧♧♧♧♧♧♧♧
प्रेषक स्वाती केळकर ,दादर मुंबई १४ ९८७०२५२९५१
भक्तित दंगले ,
नामात रंगले,
डोळे पाणावले,
नकळत!
काया आसुसली,
एकरूप झाली,
मूर्त मी पाहिली,
दिव्यतेची!
काय मी वर्णावा,
अपूर्व सोहळा,
श्रीरंग सावळा,
विटेवरी!
काही नको आता,
तुजसी मागणे
सन्निध राहणे,
तुझ्यापाशी!
धन्य आज दिन,
जिवा शिवातले,
मिलन पाहिले,
देवतांनी!
********************"*****""
♧♧♧♧♧♧♧♧♧♧♧♧♧
साहित्यमंथन
देतसे प्रेरणा
करीते शहाणा
अडाण्याशी
♧♧♧♧♧♧♧♧♧♧♧♧♧
साहित्य मंथन--स्पर्धा--
सुधाकरी -- अभंग
भक्ति
भक्ति स्वामी प्रेम
समर्थ नेटका
आहे मी फाटका
गरीबच !
भक्तिचा उमाळा
येतसे तरंग
मानसी आभंग
बोलतसे!
भक्तांना दाखवी
पाठीशी राहून
वात्सल्य देऊन
मार्ग दावी!
भक्तिला किनार
सुखाची चाहुल
प्रत्यया येईल
नियमित!
भक्ति माळितसे
माझ्या ह्रदयात
तल्लीन जपात
होऊनिया!
भक्तित स्वामीत
दंगले गुंगले
श्रेयची निमाले
निर्हेतुक!
भक्तित स्वामींच्या
दाविला सोहळा
स्वामी लागी गळा
प्रचितिने!
भक्ति भाव ठायी
देही वसे स्वामी
मनी निजधामी
पुज्य स्वामी !!🌹
🙏🙏🙏🙏
प्रेषक=
कुंदा पित्रे (17)
मुंबई
♧♧♧♧♧♧♧♧♧♧♧♧
देवूनी प्रेरणा
अलभ्यासी लभ्य
करीतसे साध्य
अरविंद 🙏🏻(मा. अरविंद काका )
♧♧♧♢♧♧♧♧♧♧♧♧♧
विठ्ठलचरणी
ठेवियला माथा
तुम्ही कृपावंता
पांडुरंगा
तुम्ही मायबाप
मी तुमची लेक
मारते मी हाक
निशिदिन
कामना मनाची
करावी ती पुरी
पंढरीची वारी
घडवावी
लागली मनासी
आस दर्शनाची
सावळ्या विठूची
भक्तीप्रेमे
निघाले माहेरी
माहेर पंढरी
वाट दावा हरी
चालताना
धन्य झाले मन
जाहले दर्शन
हरपले भान
विठ्ठला रे !
प्राची देशपांडे
♧♧♧♧♧♧♧♧♧♧♧♧
♧♧♧ संकलन समाप्त ♧♧♧
कोणत्याही टिप्पण्या नाहीत:
टिप्पणी पोस्ट करा