पाना फुलातून गाजतो
तुझाच देवा तो हुंकार..!
तुझीच विश्व लीला असे,
म्हणून प्रगटे तो ॐकार..!!
            गजानन पवार

💀💀💀💀💀
     *अंधश्रध्दा*
ठग बसला उशापाशी
काळ्या वस्त्रात कावळा..!
लिंबू कापले अंगावरी
लावी हळदी कुंक भाळा..!!

चोर खोटारडा मनाचा
माखून रिंगण रेघोट्या..!
बाई बघून करतो चाळे,
सोडी राखूंड्याच्या बुट्या..!!

नित्य दारूची दरवळ
उग्र अंगा घाण वास..!
गळा लागलीया मासा,
मागे बोकडाचे मांस..!!

करणी म्हणे भानामती
घेई झाडाची झडती..!
कोंबड्यांच्या पंखात,
अडकली याची मती..!!

कुठे सांगे द्रव्ये भांडार
भिंती खिंडार पाडले..!
सोने दागिन्याचे पायी,
मुलं शेजा-याचे मारले..!!

पाडू सांगे पैशाचा पाऊस
मुंजा,भुते,वैताळ मुठीत..!
वा-याने झोपडी मोडली,
धुर गांजाचा निघे घरात..!!

भोंदूगिरीचे मुळ खोदून काढा
अंधश्रध्दा निर्मूलन करा ..!
पट्टी काढून डोळ्यावरची,
भोंदूड्या नाका मिरचीपुड भरा ..!

🖊 गजानन पाटील पवार
👹👽👹👻👹🤖👹