ओटी

काळ्या आईच्या ओटी
घाई बीजे अंकुरण्याची
पडेल पाऊस नक्षत्राचा
आकाशी वर्दी ढगांची

रूईझुई वाहतो वाही
हितगुज पक्षा संगती
दंग झाला कामामध्ये
कृषक अनवाणी शेती

पावसाच्या सरी पडता
भिजून नहाते वसुंधरा
झोंबूण उठतो अंगाला
सुखावता गार वारा

ओल्याचिंब माती संग
स्वप्न हिरव दाटले
मनोनयन वाढला कोंब
अश्रू सुखाचे वाढले

हिरव्या गर्द वेलीवर
राघूमैनेचा जोड डोलदार
शालू नेसल्या धरणीला
पाहू लागती डोळे भर
"""" गगजानन पवार