आईवडील दैवत जगी
त्याने घडविली गाथा.!
थांब थांब विठ्ठला जरा ,
चरणांवरी ठेऊ दे माथा.!!
बाप भोळाशंकर हरी
आई करुणेचा सागर.!
पिळा देऊन पोटाला
दिली कष्टाची भाकर.!!
झळ उन्हाची झोंबता
झोळी पदराची केली.!
चटका बसता पायाला
तळहातावरी झेली.!!
आईबाप खरी पुजा
वाटे जीवनाचे सार.!
जीर्ण झालेल्या शरीरा
वेड्या तुझाच आधार.!!
आईवडीलांचे पायाशी
सर्व तीर्थाची लोळणी.!
हेळसांड मांडून त्यांची
नको करू रे फाळणी.!!
✍🏻______ गजानन पवार
🌹🌹🙏🏻🌹🌹
कोणत्याही टिप्पण्या नाहीत:
टिप्पणी पोस्ट करा