आवरी आवरी पावसा
तुझ्या ढगांची गर्जना..!
सुगी उभी शेतामध्ये
नको मोडू पाठ कणा..!!
सोयाबीन कुजत रानात
घालमेल जीवा लागली..!
धरणी आईचे उदरात
झोळी पाण्याने भरली..!!
भरून धान्ये शिदोरी
नको हेळसांड मांडू..!
तूच वाली खरा कृषकांचा
तुझे वीना कोणा भांडू..!!
गजबजलेल्या शिवारी
कृपादृष्टी तुझी राहू दे..!
सावली धरावी मायेची
सुख डोळ्यांनी पाहू दे..!!
जन्म गवत पात्यावरी
बळीराजांचे लेकरांना...!
अंतरी भाबडे शब्दांकन
मरणा आलिंगन हसताना..!!
कोणत्याही टिप्पण्या नाहीत:
टिप्पणी पोस्ट करा